** নিম্নতম মজুৰি , প্ৰাপ্য সুবিধা ইত্যাদি পৰা বঞ্চিত শ্ৰমিক শ্ৰেণী ** ""----------------- মে দিৱসৰ গানে গানে নীলা আকাশৰ তলে দূৰ শ্ৰমিকৰ জয় গানত কাণ পাতি শুনা সেই হেনৰিৰ হাতুৰীৰ সুৰ ।"" অতীতৰ পৰা আজিলৈকে শ্ৰমিক সকলে প্ৰাপ্য সুবিধা বাবে সংগ্ৰাম কৰি আহিছে আৰু সংগ্ৰাম কৰি যাব লাগিব । সংগ্ৰামৰ অবিহনে নিম্নতম মজুৰি, প্ৰাপ্য সুবিধা, ইত্যাদি পৰা সদায শ্ৰমিক সকলক চৰকাৰ ,পুঁজিপতি, মালিক কতৃপক্ষই প্ৰৱঞ্চনা কৰি আছে । ইয়াৰ মূল কাৰণ হল চৰকাৰ পুঁজিপতি, মালিক কতৃপক্ষ আভ্যন্তৰিক বুজা পৰা । চৰকাৰে প্ৰস্তুত কৰা বা প্ৰনয়ন কৰা শ্ৰমিক আইন সমূহ পুঁজিপতি পক্ষত । শ্ৰমিক শ্ৰেণী এ সেই সমুহ ক্ষেত্ৰত প্ৰতিবাদ কৰিব গলে বিভিন্ন সমস্যাৰ সন্মুখীন হোৱা পৰিলক্ষিত । আজি সমাজৰ বিভিন্ন শ্ৰেণীৰ শ্ৰমিক সকলে কৰ্মস্থলীত পাবলগীয়া নিৰাপত্তা সুনিশ্চিত বহু ক্ষেত্ৰত নহয । কাৰণ পুঁজিপতি সকলে ধনৰ বলত সকলো কাগজ পত্ৰ সুবিধা প্ৰদান কৰা কথা উল্লেখ কৰি শ্ৰমিক সকলক সঠিক সময়ত প্ৰৱঞ্চনা কৰা বহু উদাহৰণ বিচাৰিলে পোবা যাব । শ্ৰমিক নিৰাপত্তা সুনিশ্চিত কৰিব বাবে যিকেইখন আচনি চৰকাৰে গ্ৰহণ কৰিছে সেই আচনি সমূহ আজি তাৰিখ লৈকে সকলো শ্ৰমিক অন্তৰ্ভুক্ত কৰিব পৰা নাই । শ্ৰমিকৰ স্বাস্থ্য বীমা আচনি, ভবিষ্যত সুৰক্ষা নিধি আচনি বিষয়ে আজি তাৰিখত বহু শ্ৰমিকে ভাল দৰে নাজানে কাৰণে এইক্ষেত্ৰত শ্ৰমিক সকলে প্ৰতিবাদ কৰিব ভয় কৰা বহু ক্ষেত্ৰত পৰিলক্ষিত । বিশেষকৈ অসমত সংগঠিত বা অসংগঠিত ভাবে বহু শ্ৰমিক আছে যিসকলে কৰ্মচাৰী স্বাস্থ্য বীমা আঁচনিৰ পৰা বঞ্চিত । কাৰণ তেওঁলোকে নাজানে এই আঁচনিৰ জৰিয়তে তেওঁৰ পৰা কৰ্তন কৰা ধন সমুহ চৰকাৰে নিৰ্দিষ্ট শিতানত জমা কৰি স্বাস্থ্য সেবা আগবঢ়োৱা হয । বহু অসংগঠিত শ্ৰমিকে টকা অভাবত কৰ্মচাৰী স্বাস্থ্য বীমা অন্তৰ্ভুক্ত হোবা পিছটো হাত সাবতি বহি এটা সময়ত মৃত্যু হোবা বহু হাজাৰ উদাহৰণ অসমতে পোবা যাব । এইক্ষেত্ৰত চৰকাৰে কৰ্মচাৰী স্বাস্থ্য বীমা অধীনত যিমান পৰিমানৰ চিকিৎসালয়ৰ গঢি তুলিব লাগিছিল সিমান পৰিমাণে কৰিব পৰা নাই । আজি গোলাঘাট জিলা কথা উদাহৰণ হিচাপে যদি লোৱা যায তেন্তে দেখা পোবা যাব গোলাঘাট জিলাত বহু কেইখন ডাঙৰ ডাঙৰ চাহবাগিছাৰ, ইটাভাটা,ক্ষুদ্ৰ উদ্যোগ, নুমলীগড় শোধনাগাৰ ইত্যাদি উপৰিও বহুতো অসংগঠিত শ্ৰমিক আছে তাৰ তুলনাত কৰ্মচাৰী স্বাস্থ্য বীমা অধীনত কেইখন চিকিৎসালয় আছে? হয়তো এই ক্ষেত্ৰত ই এছ আই কতৃপক্ষই কব বিচাৰিব আমাৰ লগত অন্তভূৰ্ক্ত শ্ৰমিকৰ সংখ্যা কম কাৰণে আমি তেনেকৈ স্থায়ী ভাবে চিকিৎসালয়ৰ চিন্তা কৰিব পৰা নাই । এতিয়া প্ৰশ্ন উত্থাপন হব পাৰে যে গোলাঘাট জিলাত শ্ৰমিক সঠিক তথ্য কি ? সঠিক তথ্য জনাপাছত সেই শ্ৰমিক সকলে কিমান সুবিধা পাইছে ইত্যাদি ইত্যাদি বহুতো প্ৰশ্ন উত্থাপন লগে লগে সেইবোৰ সঠিক উত্তৰ আজি কোনেও দিব নোৱাৰে বুলি কলেও ভুল নহব । ইয়াৰ মুখ্য কাৰণ হল সকলো ক্ষেত্ৰতে যোৰা তাপলি মাৰি চৰকাৰে হক বা মালিকে হক চলি আছে । যিকি নহওঁক কিয আজি বিশ্ব ইতিহাসত শ্ৰমেৰে নিজৰ ঘামেৰে দুবেলা দুমুঠি অৰ্জন কৰা লোকসললে ঐক্যবদ্ধ হৈ যি আন্দোলন কৰিছিল সেই আন্দোলনৰ প্ৰথমটো বিজযৰূপে আজি দিনটো অতি গুৰুত্বপূৰ্ণ । আজি সেই শ্ৰমিক সকলক শ্ৰদ্ধা আৰু স্মৰণ কৰি আমি শ্ৰমিক আমাৰ প্ৰাপ্য সুবিধা সমূহ পাবলৈ আৰু জানিবলৈ ঐক্যবদ্ধ হৈ আগবাঢ়ি যাব লাগিব । নহলে আমি সদায আমাৰ বঞ্চিত হব লাগিব ।