কলাজিৰা বা কালজিৰাৰ ঔষধি গুুণৰ বিষয়ে জানো আহক। * * * * কলাজিৰাক সকলো ৰোগৰ উপশমকাৰী ভেষজ বুলি কোৱা হয়।ইয়াক হিন্দীত কলোঞ্জী, ইংৰাজীত Nigella seeds বোলে। ইয়াৰ বৈজ্ঞানিক নাম- Nigella sativa linn. বিভিন্ন ৰোগত ইয়াৰ প্ৰয়োগ সম্পৰ্কে জানি নগণ্য মূল্যতে নানা অসাধ্য ৰোগৰ পৰা পৰিত্ৰাণ পাওক। ১. প্ৰসূতিৰ গাখীৰ নহলে ৫০০ মি.গ্ৰা. কলাজিৰা গৰম কৰি গুৰি কৰি লৈ ১০ চামুচ গাখীৰৰ লগত মিহলাই পুৱা গধুলি এসপ্তাহ খোৱালে গাখীৰ বাঢ়িব। ২. মহিলাৰ মাহেকীয়া বা ঋতুস্ৰাৱ অনিয়মীয়া, কমকৈ হোৱা, বেছিকৈ হোৱা আদি কষ্টকৰ আৰু বিৰক্তিকৰ ৰোগত কলাজিৰা কম জুইত তাৱা বা কেৰাহীত গৰম কৰি মাহেকীয়া আৰম্ভ হোৱাৰ ৫/৭ দিন আগৰ পৰা ৫০০ মিলি গ্ৰাম মাত্ৰাত গুৰি কৰি কুহুমিয়া গৰম পানীৰ লগত পুৱা গধুলি খাব। বা ভালদৰে লেলাওতিৰ লগত মিলি যোৱাকৈ চোবাই খাই গৰম পানী খাব। অসুবিধা ৰৈ গলে একেদৰেই পিছৰ ২/৩ মাহ খাব লাগিব । ৩. বাধক দোষ ছোৱালীৰ বয়ঃসন্ধি বা যৌৱন প্ৰাপ্তিৰ পিছৰ এক জটিল সমস্যা ।এই সমস্যাত ৰোগীৰ মানসিক ভাৰসাম্য হেৰাই। কিছু ৰোগী আত্মসুখৰ বিকৃতিত পৰে, কোনোবা সুচিবায়ু গ্ৰস্থ হয়, কোনোবা শুকাই খীনাই যাব ধৰে, কোনোবাই দেৱী শক্তি ঐশ্বৰীক শক্তি লাভ কৰাৰ বিভিন্ন ক্ৰিয়া কলাপ দেখুৱাব খোজে, মনৰ ওপৰত এইৰোগৰ ভিষণ প্ৰতিক্ৰিয়া হয়। কিছুমানে কামজ উন্মাদত ভোগে, এইদোষত কিছুমানে জননগ্ৰন্থিৰ ক্ৰিয়াশক্তি হেৰুৱাই পেলাই আৰু লগে লগে এশ এবুৰি সমস্যা আৰু উপসৰ্গই দেখা দিয়ে। কলাজিৰা গৰম কৰি গুৰি কৰি এটা পাত্ৰত থৈ ৭৫০ মিলিগ্ৰাম পৰিমাণে পুৱা গধুলি ২/৩ মাহ খালে বাধক দোষ নিৰাময় হয়। মাহেকীয়াৰ মাজতো ইয়াৰ গুৰি খাই থাকিব লাগিব । ৪. প্ৰসৱৰ পিছত কলাজিৰাৰ ক্বাথ খালে গৰ্ভাশয়ৰ দ্বাৰ সংকোচণ হয় আৰু প্ৰসূতিৰ গাখীৰ বাঢ়ে। ৫. কষ্টৰজ বা অল্পৰজত পৰিমাণ মতে কলাজিৰা সেৱনে আৰোগ্য কৰে ঋতুস্ৰাব বঢ়ায় কিন্তু অধিক মাত্ৰায় গৰ্ভস্ৰাব কৰায়। ৬. মূৰৰ বিষ আৰু পানী লগাত ৰুমালৰ চুক এটাত আধাচামুচ কলাজিৰাৰ টোপোলা বান্ধি টোপোলা টো মোহাৰি এটা নাকৰ ফুটা বন্ধ কৰি আনটো ফুটাত দি উশাহ টানিলে মূৰৰ বিষ ভাল হয়। ৭. কলাজিৰা সিজোৱা পানী খুৱালে সন্তান প্ৰসৱ সোনকালে হয়। ৮. ঘিউৰ লগত মিহলাই খালে মুখৰ ৰঙ উজ্জ্বল আৰু বগা হয়। ৯. ভিনেগাৰত তিয়াই খালে গুৰাকৃমি নষ্ট হয়। ১০. পৰিমাণ মতে কলাজিৰা খালে বন্ধ প্ৰস্ৰাৱ খোলে। পেচাব পৰিস্কাৰ হয়। *** ইছলাম ধৰ্মৰ হাদিচত কলাজিৰাক মৃত্যুৰ বাহিৰে আন সকলো ৰোগৰ ঔষধ বুলি কোৱা হৈছে। অৰ্থাৎ মৃত্যুৰ বাহিৰে আন যিকোনো ৰোগ কলাজিৰাই আৰোগ্য বা প্ৰতিৰোধ কৰিব পাৰে। এই লিখনিত বিশেষকৈ মহিলা সকলৰ বিভিন্ন জটিল সমস্যাৰ (মেচেঞ্জাৰ যোগে পোৱা) কলাজিৰাৰ দ্বাৰা সৰল সমাধান আগবঢ়োৱা হল। কলাজিৰাৰ আন দহটা ৰোগ নিৰাময়ৰ বিষয়ে পুনৰ লিখিম। বিঃদ্ৰঃ শ্বেয়াৰ কৰি আনৰো উপকাৰ কৰিব । কপি কৰাৰ আগত অনুমতি লব।