** বাপতি সাহোন ৰঙালী বিহু **(2) আহোম স্বৰ্গদেউ সকলৰ পৃষ্ঠপোষকতাত পথাৰ আৰু গছ তলৰ বিহু আহি ৰংঘৰৰ বাকৰিত শুৱনি কৰিলে । এইক্ষেত্ৰত স্বগদেউ ৰুদ্ৰ সিংহই পোন প্ৰথমে বিহুক জাতীয উৎসব হিচাপে স্বীকৃতি দিয়ে বুলি কথিত আছে । অন্যহাতে ৰাজকুমাৰ বিদ্যা ৰত্নৰ "" উদাসীন সত্য শ্ৰবাৰ অসম ভ্ৰমণ ""(1881)শীৰ্ষক গ্ৰন্থক বিহুক জাতীয উৎসব হিচাপে অভিহিত কৰিছে । বিহুত আৰ্যমূলীয উপাদান নৃতান্তই গৌণ কাৰণ বিহু মূলত মংগোলীয উৎসব । অসম আন্দোলনৰ (1979-85) সময়ত বিভিন্ন সভাসমিতি অথবা সমদলত বিহুক অসমৰ স্বাভিমান আৰু জাতীয জাগৰনৰ প্ৰতীক হিচাপে তুলি ধৰা হৈছিল । সেইদৰে ভাষা আন্দোলনৰ (1960-61) সময়ত মহান গণশিল্পী ভূপেন হাজৰিকাদেৱৰ, হেমাংগ বিশ্বাস দেবে শান্তি বাহিনীত গণশিল্পী মঘাই ওজা ৰ জৰিয়তে বিহুক উপস্থাপন কৰি জনগণৰ মাজত শান্তি আৰু একতা বাৰ্তা প্ৰেৰণ কৰা তথ্য পোবা যায ।সেইদৰে 1934 চনত বৰ্তমানৰ গোলাঘাট জিলাৰ বেতিয়নি অঞ্চলত মঞ্চত বিহু পৰিবেশন ৰ তথ্য পোবা যায । পৰবৰ্তীকালত 1952 চনত ৰাধাগোবিন্দ বৰুৱাৰ উদ্যোগত গুৱাহাটীৰ লতাশিল খেলপথাৰত আয়োজিত বিহু সন্মিলনেই আছিল সবাতোকৈ চৰ্চিত বিহু মঞ্চ । স্থান বা অঞ্চল বিশেষ আৰু বিভিন্ন জাতিৰ জনজাতিৰ সকলৰ মাজত প্ৰচলিত বিভিন্ন উৎসব ,গীত ,নৃত্য আদিত বিহু পৰিলক্ষিত । যেনে -- মিজো সকলৰ ছাবছাৰকুট , ত্ৰিপুৰীসকলৰ গৰিযা পূজা ,মণিপুৰীসকলৰ চাইৰোবা , নাগসকলৰ চিচো ,গাৰোসকলৰ উবান গালা আৰু ৰংচোগালা ইত্যাদি । বিহু গীত সমূহত ডেকা গাভৰু প্ৰেম পীৰিতিত আভাষ পোৱা যায । যেনে -- **মিছিং গীতত "" বৰনৈ চুমলি পৃন দুঃৰঃ পৌদং আচি পাঅঃ মালা ঙককৌ আচিন পৃন দুঃৰঃ অইনক অগম পাঅঃ মালা ।"" অসমীয়া অনুবাদ এনেকুৱা -- "" বৰ নৈ শুকাইছে পানীৰে বেজাৰত / দিচাং নৈ শুকাইছে কিয /মই চেনাই শুকাইছো তোমাৰে বেজাৰত / তুমি শুকাইছা কিয ? "" (পৰবৰ্তী লেখাত )